mercoledì 30 novembre 2011

Galsi: su 10 de su mesi de paschixèdda in Casteddu manifestada “No Gasdotto a pagus diris de su permissu po cumentzai s’òpera”

(Il Minuto) – Casteddu, 28 de su mesi de totussantus – Su 14 de su mesi de paschixèdda in Roma ddoi at essi sa cuferéntzia de is serbítzius chi at a podi donai su permissu a su Galsi, est a nai a s’úrtima autorizatzioni a su fàbricu de su metanodotu. Pagus diris primu, su 10 de su mesi de paschixèdda, in Casteddu (10.30, pratza de is Centumilla), ddoi at essi una manifestada natzionali po nai ca no a su Metanodotu Algeria Itàlia Sardìnnia e po frimai su progetu po bogai su metanu in Arborea bófiu de sa Saras. Sa manifestada “No Galsi-No Pozzo Saras” est promòvia de a Manca pro s’Indipendentzia. “Sa Sardìnnia – si ligit in d-una nota de imprenta de aMpI – at essi una ‘tzerachia de passada’ útili scéti a s’Itàlia, a s’Europa e a sa Russia. Is amigus de su metanodotu si narant ca est un’ocasioni manna po sa Sardìnnia, ma ligendi is documentus ufitzialis eus cumprendiu ca est scéti un’àtera arréula, biu ca is sardus no ant a tenni diritus apitzus de sa gestioni de su gas e biu puru ca ddu ant a depi pigai a prétziu de mercau. Su Galsi at essi un’òpera manna meda e sa Sardìnnia, in matéria, no at a podi nai nudda”. “Po denuntziai cust’àteru afrontu a sa natzioni sarda – pretzisat su comunicau – a Manca pro s’Indipendentzia pedit a tous is fortzas indipendentistas e anticolonialistas, a totus is ambientalistas e a is democràticus fidaus, a totus is assótzius e a is sindacaus de basi de is traballadoris, a is comitaus No Radar, No Galsi, No Pozzo Saras: s’adesioni a sa manifestada,in pagu fueddues lamat totu su pópulu sardu chi est atesu de is interessus de is colononitzatoris”.

Nessun commento:

Posta un commento

Lasciate qui i vostri commenti o scrivete a:
prosardegnanogasdotto@gmail.com